మనపై మన గెలుపు

• Author: Anudina Vahini | Dr. G. Praveen Kumar | Connecting With God | Dr. Suma Jogi | Devotions Telugu & English
• Category: Daily Devotions - అనుదిన వాహిని - Season 2
• Reference: Sajeeva Vahini

మనపై మన గెలుపు

ఎఫెసీ 6:12 "ఏలయనగా మనము పోరాడునది శరీరులతో కాదు, గాని ప్రధానులతోను, అధికారులతోను, ప్రస్తుత అంధకారసంబంధులగు లోక నాథులతోను, ఆకాశమండలమందున్న దురాత్మల సమూహములతోను పోరాడుచున్నాము."

అపవాది తంత్రములు ఎప్పుడైనా మనలో మనల్ని బలహీనపరచడానికే ఉంటాయి. అంతేకాదు, మన బలహీనతలను గూర్చి, మనం ఎక్కడ పడిపోయామో, ఓడిపోయామో వాటిని పదే పదే గుర్తు చేసి నిరాశకు గురి చేస్తూ ఉంటుంది. అయితే, మన బలం మన బలహీనతలన్నీ మనల్ని సృష్టించిన సృష్టికర్తకు అంతా తెలుసు. 

జీవితంలో మనకు ఎన్నో పోరాటాలు, వీటన్నిటిలో బలమైన పోరాటం మనలో మనమే. కొన్ని సార్లు ఆలోచిస్తాము; మనలో ఈ పోరాటాల వల్ల జీవితంలో ఎంతో నష్టపోయాం ఇంకా ఎన్నో సాధించలేకపోయాను; ఎన్నో సార్లు అపజయాలు ఎదురయ్యాయి. ఇటువంటి ఆలోచనలవలన ఎటువంటి ప్రయోజనం లేదు. బలహీనమైన మన ఆలోచనలు మనల్ని మార్పు దిశగా నడిపించవు, కేవలం దేవునిపై మన విశ్వాస భారం తప్ప. ప్రార్ధన ద్వారా మన పోరాటాలను ఆయన చేతుల్లో పెడితే, మన పోరాటాలను ఆయన అందుకొని విజయాన్ని దయజేసే వాడుగా ఉన్నాడు. మనం చేయవలసిందల్లా, ఆయనపై ఆదారపడి, ఆయనకు సహకరించి, పరిశుద్ధాత్మ నడిపింపులో ముందుకు సాగుతూ వెళ్ళడమే.

మన వ్యక్తిగత పొరపాట్లను ఒప్పుకోవడం కొంచెం కష్టమే, ఎప్పుడైతే క్రీస్తు నా కొరకు కలువరి సిలువలో మరణించి సమాధి చేయబడి తిరిగి లేచాడు అని జ్ఞాపకము చేసుకుంటామో, ఇక మనలో మనం మన తప్పిదములను పొరపాట్లను ఒప్పుకోక మానము. క్రీస్తులో నమ్మకత్వం కలిగిన మనసును పెంపొందించుకునే అలవాటు మనపై మనం గెలిచేలా చేస్తుంది. ఈ స్వభావం క్రీస్తులో నిత్య శాంతిని సమాధానంలో ఆధ్యాత్మిక శక్తిని దయజేస్తూ మనల్ని విజయపధం వైపు నడిపిస్తుంది.

Telugu Audio: https://youtu.be/9YwOkSkdYZ4